[ad_1]
12:34 ص
الأربعاء 17 نوفمبر 2021
كتب- محمد أبوالمجد:
كشفت الفنانة نيللي كريم تفاصيل ما حدث خلال تكريمها في مهرجان أيام قرطاج السينمائي، قائلة: “عمالة أسمع الأخبار وأقرأ حاجات بالنسبة للمهرجان ومدير المهرجان رضا الباهي، قال كلام ومكنتش هرد ولا أقول حاجة، لكن لقيت كل الصحفيين بيكلموني بيقولولي مش هتردي طب رد فعلك ايه، وبعد ما فات كذا أسبوع من المهرجان أستاذ رضا قال إني جيت وسافرت فجأة ومحضرتش ندوة وفي كلام كده اتقال، فحابة أوضح أني لما كلموني عشان أجي مهرجان قرطاج ومشكورًا اتكرم وأروح تونس كان شرف ليا”.
وأضافت “نيللي” في مداخلة هاتفية لبرنامج “يحدث في مصر” على فضائية “إم بي سي مصر” اليوم الثلاثاء: “بحب تونس جدًا وبحب الشعب التونسي وشرف ليا أكون موجودة في مهرجان قرطاج وأتكرم، أخر مصري نجمنا الكبير عادل إمام واتكرم في مهرجان قرطاج شرف ليا”، موضحًة: “قلت لمدير المهرجان هقدر أجي 24 ساعة بس لظروف التصوير فهل الكلام دا كان يناسبك قالولي اه طبعًا”.
وتابعت: “اللي حصل إني وصلت تونس يوم 30 والمهرجان كان يوم 30 وسافرت 31 الصبح، دي أول نقطة فمكنش في اتفاق أقعد، ودا اللي حصل قبل ما اسافر، وصلت الصبح والمهرجان المفروض اجهز من الساعة 5 وسافرت تاني يوم الصبح ومكنش في اتفاقات أعمل مؤتمر صحفي ومحدش قالي هيتعملك مؤتمر صحفي لأنهم عارفين أني مسافرة تاني يوم الصبح”.
وأردفت “نيللي”: “اتهمت أني مقولتش كلمة، وأنا متعودة في أي مهرجان بنروحه، وانا اروحت مهرجانات كتير، دائما لما بتطلع على المسرح تستلم الجائزة لما بيكون في بروتوكول المهرجان بنلاقي بيتقال تحب تقول كلمة أو اتفضل قول كلمة فساعتها الفنان بيروح للميكروفون بيقول كلمة، وأنا قبل ما اطلع على المسرح كنت قاعدة جنب الناقد الفني طارق الشناوي ولسه كنت بقوله عايزة أقول كلمة واني مبسوطة وعايزه احيي الشعب التونسي واشكر مهرجان قرطاج أني شرف ليا استلم الجائزة ولسه بحضر الكلام لقيتهم ندهوا اسمي وطلعت على المسرح سلمت واستلمت الجائزة وكنت مستنية حد يقولي قولي كلمة، متطلبش”.
وأوضحت: “أنا شخص خجول وبحرج ولو احنا في مهرجان القاهرة وعلى المسرح ووسط مجتمعي، كنت هقولهم انا عايزه أقول كلمة، ولكني في مهرجان قرطاج قلت يمكن مش في البروتوكول بتاعهم أني أقول كلمة فاستلمت الجائزة ونزلت من على المسرح ولقيت بعدي منتج آخر وبعض المكرمين مقالوش كلمة ومشيت زي بقيت الناس، لكن اني أتهم بأني ازاي مقولش كلمة والاستاذ رضا معرفش قال كلام مش أنا، والحقيقة مفيش حاجه صدرت مني بالشكل دا خالص وفضلت مذهولة ومش مصدقة ليه الكلام بيتقال ومحصلش”.
وعن تفاصيل انفعال زوجها على المعجبين خلال تكريمها في مهرجان أيام قرطاج السينمائي، قالت: “أنا من الناس اللي لما حد بيحب يتصور معايا من أصغر واحد لأكبر واحد عمري ما بقول لأ، بس أنا لما خلص المهرجان خرجنا كلنا في هجوم حاصل عليا ولما أني كنت لابسه فستان طويل ناس داست على فستاني، وحد زقني عشان يتصور معايا واحنا خارجين مكنش في أمن معايا فالناس عملوا نوع من الارتباك وفستاني اتقطع وحد مش عارف بيطلع الموبايل وبيزقني عشان يتصور معايا وكان في حالة هرجلة حاصلة وخرجت من القاعه كنت عايزة أمشي بسرعة على الفندق، وخد بالك فات كل دا ومتكلمتش ولكني لقيت هجوم جاي مش عارفه ليه وبأي سبب والاستاذ طارق الشناوي حضر معايا اليوم من أول لأخره”.
وأكدت: “الكلمة اللي مقولتهاش في تكريمي بالمهرجان أني بحب الشعب التونسي وبحيه وبيربطني بيه ناس وحاجات كتير حبيتهم منهم المخرج الكبير شوقي المجري، وممثلين توانسة في مصر بنعتبرهم مصريين هند صبري ودرة وظافر العابدين وعندي معجبين كتير في تونس وأصحابي، عشان كده بحب تونس وشعبها وبحترم الثقافة التونسية ومهرجان قرطاج شرف ليا اتكرم فيه واكون معزومة هناك، ومش موقف صغير أو شخص ممكن يبوظ حاجة فيا وحبي لتونس”.
[ad_2]