أحمد آدم: “ماكنش في عيد يعدّي عليا إلا ولازم آخد فيه علقة”

12:23 ص


الجمعة 23 يوليه 2021

كتب – معتز عباس:

كشف الفنان أحمد آدم عن ذكرياته مع الأعياد، معقبً: “مفيش عيد إلا وأخذت فيه علقة.. مش فاهم دا نحس، لدرجة الأعياد كانت بتمر عليا وأنا ببقى خايف منها”.

وقال :”آدم”، في لقائه ببرنامج “مساء دي ام سي”، المذاع على فضائية “دي إم سي”، اليوم الخميس، قائلًا: “أنا بيتوتي للغاية من ساعت ما بطلت مسرح من أكثر 10 سنين لأني كنت متعود على المسرح وقضاء العيد في المسرح، لكن دلوقتي معظم الأعياد بقضيتها وسط البيت والأسرة”.

وأضاف: “في عيد من الأعياد وأنا في 6 ابتدائي والدي فصل ليا جاكت لونه ذهبي لكني وانا في السينما بهدلته بلون دهان اسود ومعرفتش أشيله واتحول لجاكت مضلع وغريب، ولما روحت البيت أمي عرفت الموضوع وضربتني.. كانت بتضربني أكتر من أبويا”.

وأكمل: “:أنا لما كنت باخد العيدية أول حاجة اشتريها شيكولاتة قعدت 10 سنين مش باكل غير شيكولاتة لغاية ما جالي حساسية”